Ալեքսանդր Սպենդիարյանի 150-ամյա հոբելյանին նվիրված ձեռնարկ Կիևում

26 մայիսի, 2021

Մայիսի 26-ին Կիևի «Սվիչադո» հանրային գրադարանը, որը համագործակցության հուշագիր ունի «ԱՕԿՍ-Ուկրաինա» հայկական մշակութային կապերի ընկերության հետ, հյուրընկալել էր վերջինիս տնօրեն Ելենա Հովհաննիսյանին և Ուկրաինայում ՀՀ դեսպանության խորհրդական Նունե Զաստուխովային։

Գրադարանում համատեղ անցկացվեց հայկական մշակույթին և մասնավորապես մեծանուն հայ կոմպոզիտոր Ալեքսանդր Սպենդիարյանի 150-ամյակին նվիրված միջոցառում։ Ա․Սպենդիարյանը ծնվել է Խերսոնի մարզի Կախովկա քաղաքում։

Հնչեց Սպենդիարյանի և Կոմիտասի երաժշտությունը, ելույթներով հանդես եկան գրադարանի տնօրինությունն ու հրավիրված հայազգի հյուրերը։ Ներկաները խոսեցին նաև հայ-ուկրաինական մշակութային կապերի և ժառանգության, ինչպես նաև վերջերս վերանորոգված գրադարանում հայկական անկյուն ստեղծելու անհրաժեշտության մասին։

Ե․Հովհաննիսյանն ու Ն․Զաստուխովան գրադարանին նվիրաբերեցին տարբեր ժամանակաշրջանների հայկական պատմա-մշակութային գրականություն։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնայինվիզա

Արտոնագրիձևեր