Սեպտեմբերի 7-ին տեղի ունեցավ «XIV դարի Իշխան Վլադիմիրի աղոթագիրք», «X-XI դարերի Գերտրուդայի աղոթագիրք» ֆաքսիմիլային հրատարակության շնորհանդեսը:

07 սեպտեմբերի, 2021

Սեպտեմբերի 7-ին «Սոֆիա Կիևսկայա» ազգային արգելոցի Մետրոպոլիտյան պալատներում «Վերադարձնում ենք մշակութային ժառանգությունը Ուկրաինա» նախագծի շրջանակներում տեղի ունեցավ «XIV դարի Իշխան Վլադիմիրի աղոթագիրք», «X-XI դարերի Գերտրուդայի աղոթագիրք» և «XII-XIII դարերի Վիեննայի Օկտոիխ» ֆաքսիմիլային հրատարակությունների շնորհանդեսը:

Շնորհանդեսին ներկա էին Ուկրաինայում Հայաստանի դեսպան Վլադիմիր Կարապետյանը, «Սոֆիայի Կիևսկայա» արգելոցի տնօրեն Նելիա Կուկովալսկան, «Հորոբեց» հրատարակչության տնօրեն Աննա Հորոբեցը, պատմաբան, «Կոստանդնուպոլսից մինչև Կիև: Աննա Պորֆիրոդնայա» գրքի հեղինակ Նադեժդա Նիկիտենկոն, գիտնականներ, հովանավորներ և այլ հյուրեր:

Դեսպանությունը «Իշխան Վլադիմիրի աղոթագիրք» հրատարակության հովանավորներից մեկն է: Աղոթագրքի բնօրինակը գտնվում է Նյու Յորքի հանրային գրադարանում: Ինչպես հայտնի է, իշխան Վլադիմիր Մեծի կինը ծնունդով հայ բյուզանդական արքայադուստր Աննան էր: Նադեժդա Նիկիտենկոն կարևորեց հայկական մշակույթի ներդրումը Կիևան Ռուսիայի միջնադարյան իշխանական ավանդույթներում և սովորույթներում:

Դեսպանն իր խոսքում երախտագիտություն հայտնեց բոլոր նրանց, ովքեր կատարում են նման կարևոր՝ մշակութային և պատմական ժառանգությունը հայրենիք վերադարձնելու առաքելությունը, և վստահություն հայտնեց, որ հայ-ուկրաինական հազարամյա պատմություն ունեցող կապերը կշարունակեն զարգանալ և ամրապնդվել:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնայինվիզա

Արտոնագրիձևեր