Սեպտեմբերի 2-3-ին Օդեսայի օրվան նվիրված տոնական միջոցառումներին մասնակցում էր ՀՀ պատվիրակությունը

04 սեպտեմբերի, 2021

Սեպտեմբերի 2-3-ին Օդեսայի օրվան նվիրված տոնական միջոցառումներին մասնակցում էր Օդեսայի քույր-քաղաք Երևանի քաղաքապետի առաջին տեղակալ Հրաչյա Սարգսյանի գլխավորած պատվիրակությունը, որին ուղեկցում էր Ուկրաինայում ՀՀ դեսպան Վլադիմիր Կարապետյանը: Ացի շրջանակներում տեղի ունեցավ հանդիպում Օդեսայի քաղաքապետ Գենադի Տրուխանովի հետ:

Քաղաքապետի հետ հանդիպման ժամանակ խոսվեց Երևանի և Օդեսայի միջև հարաբերությունների զարգացման հնարավորությունների մասին, մասնավորապես՝ ենթակառուցվածքային ծրագրերի իրագործման հարցում փորձի փոխանակման, նաև զբոսաշրջության ոլորտներում: Գ. Տրուխանովը առանձնահատուկ կարևորեց և ընդգծեց հայության, հայ համայնքի դերը և ներդրումը Օդեսայի զարգացման գործում: Դեսպանը նկատեց Օդեսայի իշխանության հոգատար վերաբերմունքը հայ համայնքի, նրա կարիքների նկատմամբ:

Դեսպան Կարապետյանը հայկական եկեղեցու տարածքում նաև հանդիպում ունեցավ հայ համայնքի ղեկավար կազմի հետ: Հանդիպմանը ներկա էին համայնքի նախկին ղեկավար, Օդեսայի պատվավոր քաղաքացի Սամվել Տիգրանյանը, ներկայիս ղեկավար Տիգրան Հարությունյանը: Այցի ողջ ընթացքում հայկական պատվիրակությանը ուղեկցում էին Օդեսայի առողջապահության վարչության պետ Լևոն Նիկողոսյանը և Օդեսայի կենտրոնական Պրիմորսկայա վարչական շրջանի ղեկավար Մարատ Կորոլյովը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնայինվիզա

Արտոնագրիձևեր